News
സോഷ്യൽ മീഡിയയിൽ കഴിഞ്ഞ കുറേദിവസങ്ങളായി വ്യാപക പ്രചാരം കൈവരിച്ച ഒരു പോസ്റ്റാണ് ചുവടെ.
ഡോ. വിനോദ് (എയിംസ്) നൽകിയ ഉപദേശം
എല്ലാ കുടുംബാം ഗങ്ങളും ദയവായി ശ്രദ്ധിക്കുക. കോവിഡ് വീണ്ടും തിരിച്ചെത്തിയിരിക്കുന്നു…
- ആരും പട്ടിണി കിടക്കരുത്.
- ഉപവസിക്കരുത്.
- എല്ലാ ദിവസവും രാവിലെ ഒരു മണിക്കൂർ സൂര്യപ്രകാശം ഏൽക്കുക.
- 𝐀𝐂 ഉപയോഗിക്കരുത് അല്ലെങ്കിൽ അത് പരിമിതപ്പെടുത്തുക
- ചെറുചൂടുള്ള വെള്ളം കുടിക്കുക, തൊണ്ട ഈർപ്പമുള്ളതാക്കുക.
- മൂക്കിൽ കടുക് എണ്ണ പുരട്ടുക.
- വീട്ടിൽ കർപ്പൂരവും ‘ഗുഗ്ഗലും’ കത്തിക്കുക. നിങ്ങൾ സുരക്ഷിതരായിരിക്കണം. കഴിവതും വിശ്രമവേളയിൽ വീട്ടിൽ തന്നെ തുടരുക.
- പാചകം ചെയ്യുമ്പോൾ എല്ലാ പച്ചക്കറികളിലും അര ടീസ്പൂൺ ഉണങ്ങിയ ഇഞ്ചിപ്പൊടി ചേർക്കുക.
- രാത്രിയിൽ തൈരോ മോരോ കഴിക്കുകയോ കുടിക്കുകയോ ചെയ്യരുത്.
- രാത്രി മുഴുവൻ കുടുംബത്തോടൊപ്പം ഒരു കപ്പ് പാൽ മഞ്ഞൾ ചേർത്ത് കുടിക്കുക.
- കഴിയുമെങ്കിൽ, ഒരു സ്പൂൺ ച്യവനപ്രാശം കഴിക്കുക.
- വീട്ടിൽ കർപ്പൂരവും ഗ്രാമ്പൂവും കത്തിക്കുക
- നിങ്ങളുടെ പ്രഭാത ചായയിൽ ഒരു ഗ്രാമ്പൂ ചേർത്ത് കുടിക്കുക
- പഴങ്ങളിൽ, കഴിയുന്നത്ര ഓറഞ്ച് മാത്രം കഴിക്കുക
- അച്ചാർ, ജാം, പൊടി എന്നിങ്ങനെ ഏത് രൂപത്തിലും നെല്ലിക്ക കഴിക്കുക.
കൊറോണയെ പരാജയപ്പെടുത്തണമെങ്കിൽ, ദയവായി ഈ നടപടികളെല്ലാം സ്വീകരിക്കുക.
കൈകൾ കൂപ്പി, ഈ വിവരങ്ങൾ നിങ്ങളുടെ പരിചയക്കാർക്ക് അയയ്ക്കാൻ ഞാൻ നിങ്ങളോട് അഭ്യർത്ഥിക്കുന്നു. പാലിൽ മഞ്ഞൾ ചേർത്ത് നിങ്ങളുടെ ശരീരത്തിലെ പ്രതിരോധശേഷി വർദ്ധിപ്പിക്കുക……..
എല്ലാ ഐടി സെല്ലുകളും ഈ പോസ്റ്റ് വ്യാപകമായി പങ്കിടണം. ഈ പോസ്റ്റ് കഴിയുന്നത്ര പങ്കിടാൻ ഞാൻ എല്ലാവരോടും അഭ്യർത്ഥിക്കുന്നു. ഈ സന്ദേശം ദയവായി എല്ലാവരിലും എത്തിക്കുക 🙏🙏🙏
……………………….
ഈ പോസ്റ്റിന്റെ സത്യാവസ്ഥ ചാനൽ ട്രൂ ഹെൽത്തിൽ ഇന്ത്യൻ മെഡിക്കൽ അസോസിയേഷൻ ദേശീയ കൺവീനർ ഡോക്ടർ സുൾഫി നൂഹു വിശദീകരിക്കുന്നു…………………………….
ഒന്നാമത്തെ കാര്യം എയിംസിൽ ഡോ.വിനോദ് എന്നൊരാൾ ഇല്ല .
- പട്ടിണി കിടക്കരുത്, ഉപവസിക്കരുത്, കോവിഡുമായി ഒരു ബന്ധവുമില്ലാത്ത കാര്യം.
- സൂര്യപ്രകാശം കുറച്ചു സമയം ഏൽക്കുന്നത് നല്ലതാണ്. എന്ന് കരുതി കോവിഡുമായി ഇതിന് ബന്ധമില്ല.
- എ.സിയും കോവിഡുമായി ഒരു ബന്ധവുമില്ല
- കോവിഡിനു മാത്രമല്ല എല്ലാ അസുഖങ്ങൾക്കും വെള്ളം കുടിക്കുന്നത് നല്ലതാണ്.
- മൂക്കിൽ കടുകെണ്ണ പുരട്ടിയാൽ മൂക്കിനകത്തെ രോമകൂപങ്ങൾക്കും അതിനകത്തെ സ്ട്രക്ചറുകൾക്കും നാശം വരും.
- കർപ്പൂരവും ഗുഗ്ഗലും വീട്ടിൽ കത്തിച്ചാലും വരാനുള്ള താണെങ്കിൽ കോ വിഡ് വരും
- പച്ചക്കറികളിൽ ഇഞ്ചിപ്പൊടി ചേർക്കുന്നതിൽ ഒരു ശാസ്ത്രീയതയും ഇല്ല
- രാത്രിയിൽ തൈരും മോരും കഴിക്കാം. ഒരു കുഴപ്പവുമില്ല
- പാലിൽ മഞ്ഞൾ ചേർത്ത് കുടിക്കുന്നത് കൊണ്ട് ഒരു പ്രയോജനവുമില്ല
- ച്യവനപ്രാശം കഴിച്ചാൽ ആ കമ്പനിക്ക് ഗുണം
- കർപ്പൂരവും ഗ്രാമ്പൂവും കത്തിച്ചാൽ കോവിഡിനെ അകറ്റാനാവില്ല
- ചായയിൽ ഗ്രാമ്പൂ ചേർക്കുന്നത് കൊണ്ട് കോവിഡിനെ ചെറുക്കാനാവില്ല
- പഴങ്ങളിൽ ഓറഞ്ച് മാത്രം കഴിക്കണം എന്ന് പറയുന്നതിൽ അടിസ്ഥാനമില്ല. എല്ലാത്തരം പഴങ്ങളും കഴിക്കുന്നത് ആരോഗ്യത്തിന് ഉത്തമം
- നെല്ലിക്ക കഴിക്കാം. പക്ഷേ കോവിഡിനെ തടയാനാവില്ല. അച്ചാർ, ജാം എന്നീ രൂപത്തിൽ കഴിക്കുന്നത് ഒഴിവാക്കണം.
